• |

हामी बिश्वकै सबैभन्दा ठूलो मुकुट बनाउँदै छौंः अर्जुन महर्जन

काठमाडौं । पाटनको त्यागल (लुहिटि)मा जन्मिएका एक कुशल कालिगढ अर्जुन महर्जन एक सफल व्यापारी पनि हुन् । हाल उनी व्लुवर्ड महलमा संञ्चालित मुड्स रेष्टुरेन्ट एण्ड ब्यांक्वेटका संञ्चालक हुन् । उनले नेपाल भाषाको चलचित्र वमिसाःको निर्माण गरेर चलचित्र क्षेत्रमा पनि हात हालेका छन् । हाल उनी गोदावरीमा विश्वको सबैभन्दा ठूलो (४०/५० फिटको)मुकुट निर्माण गरी गिनिज बुकमा नाम लेखाउने तयारीमा छन् । प्रस्तुत छ यसै सेरोफेरोमा उनीसँग गरिएको कुराकानीको सम्पादितथ अंशः

तपाई एउटा कालिगढ कि व्यापारी ?
म व्यापारी भन्दापनि कालिगढ नै हो । मैले नेपालमा मात्र नभई बिश्वमै प्रख्यात कालिगढ सिद्धिराज शाक्यसँग काम सिकेको हो । वहाँ शान्तिमुर्ति बनाउनेमा अन्तराष्ट्रिय स्तरमै परिचित हुनुहुन्छ । कालिगढ काम गर्दागर्दै मैले साथिहरुसँग मिलेर गोदावरीमा ६० रोपनी जग्गा जोडे । यो जग्गालाई सहि रुपमा प्रयोगमा ल्याउने सोचका साथ काठमाडौंकोे प्रसिद्ध जात्रा ईन्द्रजात्रामा प्रदर्शन गर्ने भैरवको मुकुट स्थापना गरेर पर्यटकीय पार्क बनाउने योजना बनाएको छु । यो मुकुटलाई बिश्वकै ठूलो मुकुट बनाएर गिनिज बुकमा नाम लेखाउने हाम्रो तयारी छ ।arjun-maharjan1

यो कार्य सम्पन्न गर्न तपाईलाई कस -कसको साथ छ ?
यो कार्यमा हाम्रो ललित कलाग्राम समूहले सहयोग गर्ने भएको छ । जस्मा नेपालका कुशल कालिगढहरु राजेश अवाले, राजकुमार शाक्य, त्रिरत्न शाक्य, बव चित्रकार लगायतको सहभागिता रहेको छ ।

मुकुट बनाउने कार्य शुरु भैसकेको छ ?
राजेश अवाले दाईले माटोको नमुना मुकुट बनाईसक्नु भएको छ । यसबीचमा बिनाशकारी भूकम्पले हाम्रो कामलाई प्रभावित पार्यो । यस कार्यमा संलग्न केहि कालिगढहरु पनि भूकम्प पीडित बने । म पनि पिलाछेय टोल (यल) पूननिर्माणमा सहभागि हुनुपर्ने भएकोले यता समय दिन भ्याईन । अव बिस्तारै मुकुट निर्माणमा समय दिन शुरु गरेका छौं । अव छिट्टै यसको निर्माण कार्य शुरु हुनेछ ।

यो कार्यको लागि नेपाल सरकारले पनि तपाईलाई मद्दत गरेको छ ?bhairav-0mukut
हालसम्म कुनै सहयोग गरेको छैन । खासमा हामीहरुले यसको प्रचार नै गरेका छैनौं । नेपाल सरकारसँग पनि सहयोगका लागि कुनै प्रपोजल पेश गरेका छैनौं । मलाई त नेपाल सरकारले सहयोग गर्छ जस्तो नै लाग्दैन । राम्रो काम गर्नेहरुलाई प्रोत्साहन गर्ने नेपाल सरकाको चलन नै छैन । बरु उल्टो हामीबाट कर्मचारीहरुले केहि आसा गर्न सक्छन् । कसैले राम्रो काम गर्न खोज्यो भने कि गुण्डाहरुले दुःख दिन्छन् की नेताका मान्छेहरुले चन्दा मागेर दुःख दिन्छन् । प्रशासनमा गए घुस मागेर हैरान गर्छन् । यस्तो अवस्थामा नेपाल सरकारबाट के को आशा गर्नु ?

तपाईले किन मुकुटमै लगानी गर्न खोज्नुभएको ?
व्याक्तिगत लाभ मात्र लिन खोजेको भए यहाँ अन्य धेरै ठाँउमा लगानी गर्न सकिन्थ्यो । तर मैले व्याक्तिगत मात्र भन्दानी आफूले गरेको कामले आफ्नो देशलाई पनि केहि योगदान दिन सकु भनेर यो कार्य गर्न खोजेको हो । बिश्वकै ठूलो मुकुट बनाएर गिनिज बुकमा नाम लेखाउन सकियो भने बाह्य पर्यटनमा पनि सकारात्मक सन्देश जान सक्छ । साथै आन्तरीक पर्यटक बृद्धि गर्न सकियो भने त्यसले सबैलाई राम्रो गर्दछ भन्ने मेरो बुझाई हो ।

मुकुटको डिजाईन कस्ले गरेको हो ?
इन्जिनीयरिङ डिजाईन बाबुराजा महर्जनले गर्नुभएको हो । वहाँ ललितपुर उपमहानगर पालिकाको पनि ईन्जिनीयर हुनुहुन्छ । मुकुट निर्माणको जिम्मा राजकुमार शाक्यले लिनुभएको छ । राजेश अवालेले माटोको जिम्मा लिनुभएको छ । यसको फाईनल जलपको जिम्मा मैले लिएको छु ।

मुकुटमा कुल लगानी कति पर्ने आँकणा निकाल्नुभएको छ ?
मुकुटमा मात्र ३ करोड लगानी हुने भएको छ । ६० रोपनी जग्गामा त पहिल्यै नै लगानी भैसकेको छ ।

तपाईले कालिगढको रुपमा बनाएका कुनै चर्चित संरचनाहरु छन् ?
मेरो नेतृत्वमा चाईनाको छिङ्काई शहरमा एउटा बुद्ध स्तुपा बनेको छ । नेपालका राष्ट्रपतिबाट त्यसको शिलान्यास गर्ने तयारी भैरहेको छ । त्यसमा नेपालीहरुको ५१ प्रतिशत र चाईनिजहरुको ४९ प्रतिशत लगानी भएको छ । यस कार्यमा मलाई बिशेष रुपले सिद्धिदास शाक्यका छोरा न्हुछे रत्न शाक्यले सहयोग गरेका छन् । arjun-maharjan3

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

बलात्कार गरेको आरोपमा एक पक्राउ

दुई सय ६५ जनामा स्क्रब टाइफस, १८ जनामा डेंगु रोगको संक्रमण

यमपञ्चकको दोस्रो दिन आज कुकुर तिहार

चितवनमा मतदाता संख्या तीन लाख ५४ हजार

स्वास्थ्य संस्थाको चल र अचल सम्पत्ति अब स्थानीय तह मातहतलाई जिम्मा