• |

आऊ, तिमी र म एउटै शब्दकोश पल्टाउँ !

रेखा न्यौपाने

सिड्नी । देशमा केहि नदेखेर विदेश पलायन भयौ, बिदेशिएर राष्ट्रबादका कुरा नगर, तिम्रा यी वाक्यहरुलाई दोहोर्याएर अनि तेहेर्याएर पढे मैले । यस्तै धेरै आक्रोश अनि गालि गलौज सामाजिक संजालबाट सुन्दै आएको छु । ति हरेक शब्दले मुटुमै घोच्छन तर सायद तिमीले स्वाद फेरेको महसुस गर्छौ होला । मैले प्रतिउत्तर गरेर तिमीलाई सम्झाउन जरुरी देखिन तर पनि मनमा खड्कीरह्यो। सामाजिक संजालबाट मैले देश प्रति चासो दर्शाएका हर लेख अनि स्टाटसमा यस्तै व्यंग्यात्मक तथा आक्रोशपूर्ण टिप्पणीहरु पाएँ।

के म साँच्चै देशमा केहि नदेखेर बिदेशिएको हो त ? खै बुझेको तिमीले, म त देश देखेर बिदेशिएको हुँ । हो म बिदेशिएको पक्कै छु तर ‘पलायन’ भएको होइन । सायद पलायन शब्दको अर्थ तिम्रो र मेरो शब्दकोशमा फरक भएर हो कि म आफुलाई पलायन भएको मान्दिन ।

रेखा न्यौपाने

रेखा न्यौपाने

म एउटा विकसित देशमा बसेर गरिब अनि अल्पविकसित देश नेपालमा मेरो अस्तित्व खोजिरहेछु। म हरपल नेपाल सोच्छु अनि नेपाल बोल्छु, नेपाल दुख्दा मलाई दुख्छ । के यसलाई पलायन भएको भन्न मिल्छ र ? अनि तिम्रो बुझाइमा राष्ट्रवाद भनेको चाँही के हो ? के केहि नगरी हल्लिएर फेसबुक चलाउँदै नेताहरु अनि बिदेशिएकाहरुलार्इ तथानाम गालि गर्नुलाई तिमी राष्ट्रवाद भन्छौ ?? आऊ तिमी र म एउटै शब्दकोश पल्टाउँ, अनि मात्र हाम्रा शब्दले एउटै अर्थ देलान । नत्र न मलाई यहाँ कुनै बाध्यता छ नेपालको बारेमा बोल्न, न म नेपालको बारेमा बोले बापत कसैले तलब दिन्छ । काम, पढाई अनि परिवारलार्इनै सँगै समय दिन गार्हो हुँदा पनि म देशको बारेमा सोच्ने हैसियत राख्छु अनि यसैलार्इ मेरो कर्तब्य ठान्छु । म एउटा आम नेपाली र नेपालको बारेमा चासो राख्छु, तिमीले भन्दा धेरै । म यहाँ एस आरामले जिउन सक्छु । त्यहि अनुसार मेरो परिवार जिउन सक्छ। तर म मेरो देश पनि यस्तै विकसित भएको हेर्न चाहन्छु । के मलाई मेरो देशको बारेमा सोच्ने अधिकार छैन, बोल्ने अधिकार छैन ?

तिमीको हौ मेरो देश प्रतिको चासोमा औंला उठाउने ? झन्नै दश ओटा देशका भाषा सिकेर २ दिन लाम बसेर विभिन्न देशका फारम अनि डिभि भरेर कतैको भिसा नलागेर हार मानेर बसेको तिमी, केहि गर्न खोज्नेका खुट्टा किन तान्छौ ?

देशको अर्थतन्त्र जति झन्डै रेमिट्यान्सको भरमा चलेको छ, अनि गालि तिनै बिदेशिएकालाई गर्नु ? तिमीलाई थाहा छ, म यहाँ दुःख गरेर पनि नपुगेर बैंकको ऋण काडेर कलेज फि तिर्छु । मेरा बुढा बालाई ऋण माथि ऋण थपिँदो छ । मेरा बा आमाले पनि सुखको सास फेर्न पाउन भन्ने त म पनि चाहन्छु, तर पनि त्यो भन्दा अघि म ति भोका, नांगा अनि पिडाले छटपटाइरहेकाले बाँच्न पाउनु पर्छ भन्ने सोच्छु । त्यसैले हरेक महिना कुनै न कुनै रुपमा नेपालीलाई नै हजारौंको सहयोग गरिरहेको हुन्छु । तर पनि दोषी तिमी मलाई नै नराम्रो देख्छौ । तिमी आफै बेरोजगार छौ अनि मलाई नेपाल आएर काम गर भन्छौ ? तिमीले देशमा बसेर के चाहिं ठुलो काम गर्यौ र मेरो देश प्रतिको निस्वार्थ मायामा औंला उठाउछौं ?

तिम्रो प्रतिउत्तरको आशा त गर्दिन तर एउटा अनुरोध फेरी गर्छु आऊ तिमी र म एउटै शब्दकोश पल्टाउँ जसले देशप्रतिको कर्तव्य बुझाओस अनि समृद्ध नेपालको अर्थ सिकाओस।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

बलात्कार गरेको आरोपमा एक पक्राउ

दुई सय ६५ जनामा स्क्रब टाइफस, १८ जनामा डेंगु रोगको संक्रमण

यमपञ्चकको दोस्रो दिन आज कुकुर तिहार

चितवनमा मतदाता संख्या तीन लाख ५४ हजार

स्वास्थ्य संस्थाको चल र अचल सम्पत्ति अब स्थानीय तह मातहतलाई जिम्मा