• |

वडा परिषद्बाट पारित योजना काटिँदा गाउँपालिकामा तालाबन्दी

अछाम, २७ भदौ । वडा परिषद्बाट पारित भएका योजना गाउँपालिकाबाट हटाइएको भन्दै अछामको ढकारी गाउँपालिकामा चार दिनसम्म तालाबन्दी भएको छ । वडाबाट पारित भएका योजनालाई गाउँपालिका प्रमुखलगायत केही व्यक्तिले राजनीतिक आस्थाका आधारमा हटाएको भन्दै वडा नं २, ३ र ५ का जनप्रतिनिधिले तालाबन्दी गरेका हुन् । स्थानीयस्तरमा पटक–पटक छलफल भएपनि दुवै पक्ष आ–आफ्नै अडानमा रहेका कारण ताला खोल्न नसकिएको बताइएको छ । सदरमुकामबाट जिल्ला समन्वय समितिका उपसंयोजकको टोली गाउँपालिकामै पुगेर सोमबार छलफल हुँदा पनि निष्कर्षमा पुग्न नसकेको वडा नं ३ का वडाध्यक्ष महादेव बुढाले बताए । गाउँपालिका अध्यक्ष नेपाली काँग्रेसबाट जितेका र तीन वडामा नेकपा (एमाले) ले जितेका कारण ती वडाका योजनामात्रै हटाइएको तर अन्य व्यक्तिले पठाएका योजना गाउँसभाबाट पारित भएको उनको भनाइ छ ।

achham (1)

यता गाउँपालिका अध्यक्ष धनबहादुर बुढाले भने आफूले केही योजना हटाएको तथा केही योजना थपेको स्वीकार गर्दै निर्णय भइसकेको अवस्थालाई उल्ट्याउन नसक्ने बताउँदै आएका छन् । ढकारी गाउँपालिकाले आफ्ना आठ वडामा प्रत्येक वडालाई रु ८० लाख बराबरको योजना बनाएर गाउँपालिकामा पेश गर्न भनेको थियो । यसैबीच गाउँपालिकामा योजनाको विषयलाई लिएर भएको तालबन्दी तथा विवादलाई समाधान गर्नका लागि दुईवटै पक्षलाई बोलाएर मंगलसेनमै छलफल गरिने भएको छ । जिल्ला प्रशासन कार्यालयमा जिल्ला समन्वय समिति संयोजक, विभिन्न राजनीतिक दलहरुको संयुक्त बैठकले गाउँपालिकामा लाएको ताला खोल्ने र तीन वडाका योजनाका बारेमा मंगलबार सदरमुकाममा छलफल गर्ने त्रिपक्षीय सहमति भएको अछामका प्रमुख जिल्ला अधिकारी किशोरकुमार चौधरीले जानकारी दिए । आज दिउँसो सदरमुकाममा तीन वडाका जनप्रतिनिधि, गाउँपालिका प्रमुख उपप्रमुखसहित अन्य सरोकारवालाको संयुक्त बैठक बसी सहमति कायम गरिने प्रजिअ चौधरीको भनाइ छ ।

सम्बन्धित समाचार

अध्यक्ष पुष्पकमल दाहाल ‘प्रचण्ड’चितवनबाट आउँदो संघको निर्वाचनमा उम्मेदवार बन्ने

5788e6b1adff40.87010647

चितवन, २३ भदौ । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले चितवनबाट आउँदो संघको निर्वाचनमा उम्मेदवार बन्ने बताए ।…

नयाँ शक्ति पार्टी नवलपुर जिल्ला समन्वय समिती गठन

21209153_1898532597064290_1139614846_n

नवलपुर, १ ५ भदौँ । नयाँ शक्ति पार्टी नवलपुर जिल्ला समन्वय कमिटि गठन भएको छ । नवलपुर जिल्ला समन्वय समितीमा…

निर्वाचन आयोगद्धारा चौबिस घण्टाभित्र स्पष्टीकरण पेश गर्न निर्देशन

nirbachan

काठमाण्डौँ, १२ भदौ । निर्वाचन आयोगले नेपाली काँग्रेस, वीरगञ्ज महानगरपालिका–१५ का पार्टी सभापति अनिल सिंहलाई निर्वाचन आचारसंहिता उल्लङ्घन गरेको उपर…

राष्ट्रपति सँग प्रमुख तीनदलका शीर्ष नेताको छलफल

shitalma-meting-3-dal

काठमाण्डौँ, ३ भदौ । राष्ट्रपति विद्यादेवी भण्डारीले तराई/मधेशका डुबान, पहिरो, व्यवस्थापिका–संसद्मा प्रस्तुत संविधान संशोधन तथा परराष्ट्र नीतिका विषयमा चासो लिई…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

बलात्कार गरेको आरोपमा एक पक्राउ

दुई सय ६५ जनामा स्क्रब टाइफस, १८ जनामा डेंगु रोगको संक्रमण

यमपञ्चकको दोस्रो दिन आज कुकुर तिहार

चितवनमा मतदाता संख्या तीन लाख ५४ हजार

स्वास्थ्य संस्थाको चल र अचल सम्पत्ति अब स्थानीय तह मातहतलाई जिम्मा